Setaguk kopi dengan dang joyah

The title was actually a reference to a British program, Koffee with Karan.. ada tu main arah Astro dulu, hehe.. dimelayukan jadi, Setaguk kopi dangan dang joyah tia.. genius? no? hahaha..prasan.. To those yang nda tau siapa Dang Joyah ani, iatah kediaku tu, these nicknames were first started by durang yang tinggal di Carmody rd dulu, hehehe.. Syimsyim is Dang Munah, Ayai is Dang Esah, Nabnab is Dang Timah, Yunyun is Dang Bedah, Hazzie is Dang Kasom and Sa'dy is Dang Jenab.. baru ia klasik nah nama2 atu.. nda ja? :p Talking about these Malay Bruneian names, there are some Brunei words or bahasa pecakapan ketani that aku sendiri sometimes nda biasa memakai. Bah, lajutah tani sama2 revise, hehehe..

Alai = dipakai untuk anak2 damit. Panggilan manja pun bulih untuk yg "beumur" sedikit, hehehe.. Kalau untuk org BruOz, lain makna nya ni. Ertinya, bini2 lawa, atau makanan nyaman, atau apa2 saja yang dianggap lawa.

Astah = short form untuk astagafirallah. Bulih jua dipakai untuk menunjukkan tekajut. Perkataan astah ani ada jua slangnya ni, apa ni, ala-ala c Kurapak, "Asteee..." :p

Ampar = letih.. Contohnya, "Amparku lapas beranang 7 hari 7 malam sama jaws ah"

Bau cina = untuk barang yang baru dibali. Contohnya, "Alai jua begmu ah.. bau cina lagi masih tu"

Berinut = sedia untuk bertolak dari sesuatu tempat. Contohnya, "Bah adangtah supping ani, maritah berinut balik"

Cawiee = sebuah expression menunjukkan nda puas hati atau sesuatu yang nda dpt diterima.. contohnya, "Eh cawiee usulnya pakaianku ani, baju merah, seluar kuning.."

Chinggam = slang brunei untuk chewing gum. Contohnya, "Siapa punya keraja merakat chinggam arah rambutku ani ah?!"

Dangsanak = saudara mara.. Contohnya, "Dangsanak ku jua tu dangan nya kawin atu.."

Eksen = menipu atau bedusta.. Contohnya, "Eksen nya ni... kau kan yang menapuk cawat ku atu?"

Gulmat = gelap.. ani feveret mamaku ni.. Contohnya, "Gulmat jua rumah ani! nda kamu buka lampung?"

Gundul = bald atau bugung. Contohnya, "Eh, apa ni! Nyangku gunting numbur 3, bukan sampai gundul! kurang tia encem ku nah"

Irit = menarik something. Contohnya, "Jgn diirit pasuku atu wang, mahal tu!"

Jaur = selalu keluar rumah tanpa ada sebab. Contohnya, "Adangtah bejaur saja ani, belajar, jgn nda belajar.." :p

Kulok = to crumple.. Contohnya, "Jgn dikulok keratas usin monopoly atu, rusak tia karang"

Lidut = lambat berabis. Contohnya, "Lidut jua ko ani bejalan"

Metuka = kerita. Contohnya, "Mana satu metuka mu ani dang, yang miyah ani kah?"

Nyanyah = kuat becakap non stop.. Contohnya, "Nyanyah jua bini2 atu becakap, adangtah eh"

Pihit = nda dapat begarak, diantara dua barang atau orang. Contohnya, "Adui ma! Kepisanku kana pihit. Ngapatah ku tais liur kan belawan sumo ani"

Ranggit = benyamuk.. Contohnya, "Berangit jua bilik mu ani.. Baik tah pakai shiltok"

Suak-suak = aying nda beranti2 keluar dari paip.. Contohnya, "Astee, suak-suak jua aying ah.. baik pakai menyuci kerita nah"

Tapau = take away.. Contohnya, "Tapaukan tia ayam ani.. Kanyang kami udah, meladus parut, hehehe"

Ucing = kucing.. Contohnya, "Eh, ucing mana lagi kan ni! Abis ia beria arah pasuku! Mun jadi baja, baik jua"

Watir = worrying.. Contohnya, "Membari watir ko ani eh.. Ku pikir sirius!"

Warai = slang brunei untuk "wire". Contohnya, "Bisai jua panjang warai telipun nya ani ah, sampai ke dapur pun sampai"

Yo = memanggil orang. Contohnya, "Yo.. bahapa ko tu yo?"

Hehehe.. bah kalo ada apa2 tambahan or correction silakan... Enjoy! :p